Í fyrrakvöld pantaði ég bíómiða á netinu á nýju myndina með Mr. Bean, að sjálfsögðu ætluðum við í bíó á Leicester Square. Grétar vildi endilega fá að renna yfir pöntunina fyrst að ég væri að panta þessa miða, ég sagði að hann þyrfti þess ekki. Þegar að við vorum loksins komnir í bíóhúsið sting ég kortinu í vél til þess að fá miðana en þessi ágæta vél vildi ekkert kannast við að ég ætti pantaða miða. Við fórum því í Virgin Megastore og keyptum okkur DVD, ég var mjög svekktur og bölvaði þessarri andsk ... tölvum, engu hægt að treysta svona í gegnum netið. Þegar að heim var komið athugaði ég hvað hafði eiginlega skeð, jú svo óheppilega vildi til að ég pantaði miðana í borginni Leicester en ekki hérna í London á Leicester Square.

Þvílík ólukka.

Vegna fjöldann allann af áskorunum ákvað ég að skella upp bloggi svo að þeir sem geta ekki séð af mér í nokkrar vikur geti fylgst náið með mér. 

Ég vil koma því á framfæri að þar sem að ég þyki ekki mikið tölvuséní gæti þessi síða tekið sinn tíma í að verða fullkomin, hugsanlega einhver ár. Ég mun þó reyna að gera mitt besta.

Kv, Leifur